Marisa.

Marisa si n’hè andata sta mani matina, tranquilla, in un altru mondu.

Pulinu u so maritu mi dicia sempri :
« Marisa hè un cantonu, mi andaraghju, pà siguru, inanzi, beddu inanzi. »
O Polu, u me cuginu carnali, hè a vita chi cummanda, micca i nosci vulintà !

Sta donna era di i nosci, sempri pronta à fà u bè !
Mamma scruccata pà una strapunta di centu euros s’era vista spudda di midi euros.
Hè idda chi a fattu arraghjà l’affari cù a banca pustali.
Monda parsonni sò stati salvi cussi, dà idda.

Ùn bisogna dinni tantu, Marisa era lianesa di cori e monda attaccata à i nosci valori.

Era nustrali, in corsica dà monda, ben vulsuta dà tutti, ùn c’era nudda à dì.

Maria, a mamma di u so maritu, hè idda chi l’ha purtata fina à l’ultimu ghjornu di a sò vita.
Mai ùn si lagnaia, ridia sempri e sempri era cuntenti di à sò famidda corsa.

I sò fidoli, tre femini, tutti uniti, ùn c’hè un palmu di mali tre iddi.
In a sò famida u spiritu corsu hè siguru, schiettu !
Purtanti c’hè sempri una mucca n’unghji famidda, ma micca in dè iddi.

Cara Marisa, ripposa in paci, in nù nosciu cimiterriu chi tanti volti se andata à fiuriscia e à metta busgi pà alluminà quiddi chi si n’eranni andati.

Vinnaremu pà i Santi à fiuriscia ti e alluminà à tò tomba.

A sera di i morti fighjularemu u cielu e ci fare un colpu d’ochju !
Prestu tuccarà à nò, u tempu fila tantu !