Une fois n’est pas coutume, chers amis lecteurs du blog, je vais faire un clin d’œil au site » I versi di Cagna » en essayant d’écrire en corse.
Oghji primu ghjornu di vaghjimu sogu andatu à fà un tornu in Zirubia.
Dicessetti gradi partindu dà Livia e quatordicci in Zirubia.
Quist’annu i castagni so minori, ùn sogu si « cascianeddi » cunvenni pà dila.
Forza sarani sapuriti, di bon gustu, in buttaccili o sbucciulati, budditi cù u finochju.
Arrustiti, i sciacciaremu, i masgiularemu e i ci sciaccaremu cù vinu bonu, dicciaria Ferrito Robert cunnusciutu qui e for’ di qui, cuntendu sempri i so passati in Burivuli. 😉
Aghju vistu vecchji castagni. Ùn sogu quantu secula hanni, unu, dui o di piu ?
Eccu uni poghi di fotos.
Eccu, aghju fattu unu sforzu, un passu di piu versu a lingua scrita, ma u viaghju mi pari sempri beddu longu…
Per noi altri hè più faciule di parlà chè di scrive è qualchì volta ancu a lettura hè cumplicata.
Bon ghjornu à tutti.